الفراخ المقرمشة

بسم الله الرحمان الرحيمالمقادير
- فرخة نضيفة ومقطعة 6 او 8 قطع
- التتبيلة ( ملح - فلفل - زعتر - كزبرة ناشفة - سماق - توابل - كمون - خل - شطة او هوت صوص لو عيزاها سبايسي- بصلة مفرومة كويس اوووي ( هو قال مية البصل بس انا حطيت البصلة كلها) - 2 فص توم مفروم)
- 1 كوب دقيق
- 1 كوب دقيق درة اصفر ( لو معندكيش مش مشكلة )
- 1 كوب كورن فليكس مطحون ودا لازم مش اختياري وتكوني طحناه بايدك مش بالكبة
- توم بودر وبصل بودر ( انا مكنش عندي مش ضروري لانك حاطة توم وبصل في التتبيلة )
- ملعقة عصير لمون وملعقة خل

الطريقة :
- تجيبي الفراخ بعد ما تنضفيها كويس اوووي وتشيلي جلدها وتبقى كدا


وبعدين تعملي فيها فتحات بالسكينة علشان التتبيلة تدخل جوة اللحم و العضم كدا




بعدين تجهزي التتبيلة اللي قلناها فوق



وبعدين تجيبي الفراخ وتحطي عليها كل التوابل وتدكيها كويس اوووي وتسيبيها في التتبيلة اقل حاجة 12 ساعة في التلاجة متغطية دا لاااااااااازم علشان تكون شربت في الطعم



نيجي بقى لوقت القلي

تجهزي طبقين كباار : واحد فيه مية + الخل + اللمون



والطبق التاني : الدقيق + دقيق الذرة + الكورن فليكس المطحون ( ممكن تحطي شوية شطة او كاري زي ما عملت ) وتخلطي كويس



بعدين تاخدي قطعة فراخ من التتبيلة وتحطيها في طبق الدقيق و تغطسيها كويس و تضغطي لحد ما تتغطى تمام وبعدين خديها وغطسيها في طبق المية وهي في ايدك و طلعيها علطول اوعي تسيبيها تعوم ورجعيها تاني لطبق الدقيق وغطيها تاني كويس بالدقيق واعملي كدا في باقي القطع هتبقى كدا



و بعدين تكوني حاطة زيت غزير ( بلاش طاسة الحلة احسن ) على النار يسخن ولما يسخن اوي
امسكي طبق المية في ايدك وبالايد التانية تاخدي قطعة وتغطسيها في المية وفوراااااا في الزيت السخن ومتخفيش مش هيحصل حريقة او طرطشة او اي حاجة وبسرعة نزلي القطع في المية للزيت والنار تكون عالية في الاول علشان الفراخ تاخد صدمة وبعدين توطي النار وتغطي الحلة وتسيبيها من 10 ل 15 دقيقة على النار علشان تستوي من جوة كويس



ودا شكلها النهائي لما طلعت من الحلة






منقوللللللللللللللللللللللللللللللللللل

شكرا يا قمر اكلة حلوة

شكرا على الرد وايضا على مرورك